.png)
الرمان هوا من الفواكه اللي معظمنا بيحبها لطعمها الحلو وفوائدها الكبيرة. بس مشكلته ان موسمه قصير. عشان كده انهاردة اعرفكم طرق سهلة وفعالة لحفظ الرمان في البيت لفترات طويلة ومن غير ما يبوظ أو يفقد قيمته الغذائية.
أولا: حفظ الرمان كاملا
- لو عندك كمية كبيرة من الرمان ولسه متفتحش. الأفضل تسيبه زي ما هو من غير تقشير.
- خليه في مكان جاف وبارد بعيد عن الشمس. ويفضل التلاجة.
- بالطريقة دي ممكن يفضل سليم من أسبوعين لشهر كامل حسب جودة الثمرة.
- قشر الرمان وافصل الحبوب عن القشرة البيضاء.
- اغسل الحبوب بمصفاة وسيبها تنشف كويس.
- وزع الحبوب في علب محكمة الغلق أو أكياس تفريز.
- احفظها في الفريزر. وتقدر تستخدمها لغاية 6 شهور كاملة من غير ما يتغير طعمها.
- اعصر الحبوب وصفي العصير.
- صب العصير في زجاجات أو أكياس مخصصة للعصاير.
- خزنه ف الفريزر. ويفضل تسيبه نص فراغ في العلبه علشان التمدد.
- العصير يفضل صالح لمدة 3 شهور في الفريزر.
- اختار دايما الرمان اللي قشرته مش مجروحة أو طرية.
- متحطش الحبوب وهي مبلولة في الفريزر. لازم تكون ناشفة تماما.
- لو هتستخدم الحبوب في سلطة أو تزيين حلويات. الأفضل تحفظها في علبة زجاج مش بلاستيك علشان الطعم يفضل أحلي.
- جمد الحبوب علي صينية أولأ وبعدين اجمعها في كيس ( عشان ما تلزقش في بعض).
بحل بسيط زي دي هتقدر تخلي الرمان معاك طول السنة. سواء في شكل حبوب جاهزة للأكل. أو عصير منعش. أو حتي مجمد للاستعمال في وصفاتك. جربي الطريقة الي تناسبك واستمتعي بفوائد الرمان في أي وقت.