.png)
الكنافة الحلوة من أشهر الحلويات الشرقية اللي ارتبطت برمضان خصوصا والمناسبات. لكن ممكن نعملها في البيت بسهولة وبطعم أحلي من الجاهزة. السر كله في التسوية علي فكرة والشربات. وطريقة التعامل مع الكنافة قبل الحشو.
المكونات :
- نصف كيلو كنافة (طازة أو مجمدة)
- 200 جرام سمنة بلدي أو زبده مذابة
- نصف كوب سكر بوردة (اختياري حسب الطعم)
- مكسرات للحشو (فسدق. بندق . جوز هند . عين جمل ) ممكن تضيف قشطة مثلا.
- 2 كوب سكر
- 1 كوب من الماء
- نصف عصير ليمونة كبيرة
- نصف ملعقة صغيرة فانيليا أو ماء ورد
1. في حلة علي النار ضيفي السكر والماء
2.سيبه يغلي من غير تقليب عشان ما يبوظش.
3. أول ما يغلي. ضيفي عصير الليمون.
4. بعد 10 دقائق ارفعيه من علي النار وضيفي الفانيليا أو ماء الورد
تكة : لازم الشربات يكون تقيل شوية (متوسط القوام) ويتحط علي الكنافة وهي سخنة.
2- تجهز الكنافة :
1. فتتي الكنافة كويس بايدك أو في الكبة.
2. ضيفي عليها السمنة المذابة وقلبي لحد ما تتغلف كلها.
3. لو عايزة كنافة مقرمشة زيادة. زودي ملعقة سكر بودرة مع السمنة.
3- الحشو :
- ادهني صينية بالسمنة.
- افردي نص كمية الكنافة واضغطي عليها كويس.
- حطي طبقة المكسرات أو القشطة.
- غطيها بباقي الكنافة واضغطي تاني عليها عشان تمسك.
1. دخلي الصينية فرن سخن علي 180 درجة.
2. سيبيها لحد ما وشها ياخد لون ذهبي حلو (حوالي 25 - 30 دقيقة).
3. أول ما تطلع من الفرن. صبي عليها الشربات وهي سخنة.
أسرار وتكات الكنافة :
- تجميل الكنافة ساعة قبل التفتيت يخليها أسهل في التقطيع والتوزيع.
- لازم الكنافة تبقي سخنة والشربات بارد أو العكس عشان تمسك الطعم وتفضل مقرمشة.
- لو عايزة كنافة ناعمة. افرميها في الكبة كويس قبل ما تضيفي السمنة.
- ممكن تضيفي رشة قرفة أو فانيليا مع المكسرات وقتها تكون في نكهة مختلفة.
- القشطة البلدي أو الكريمة اللباني بتدي طعم فخم جدا للحشو.
قدمي الكنافة سخنة مع شوية فستق مجروش علي الوش أو كريمة مخفوقة. تنفع مع الشاي أو القهوة وتعتبر من أحلي الحلويات الشرقية في أي مناسبة.