.png)
البطاطا الحلوة هي من الحلويات الشرقية المحبوبة جدا خصوصا في مصر والوطن العربي. وتعتبر من الأكلات البسيطة اللي ممكن تتحضر في البيت بمكونات قليلة جدا. غير انها طعمها بيخلي الكل يحبها. وفيها كمان فوائد غنية و فوائد غذائية اللي بتدفي الجسم وبتدي طاقة عالية خصوصا في فصل الشتاء.
في المقال ده هنعرف عن أكثر من طريقة لعمل البطاطا الحلوة سواء في الفرن أو بالحليب. وكمان هنتعلم شوية أسرار تخلي طعمها يطلع مظبوط زي محلات الحلويات.
فوائد البطاطا الحلوة :
قبل ما ندخل علي الوصفة. خلينا نعرف أهم فوائد البطاطا الحلوة:
- فيها مصدر غني بالألياف اللي بتحافظ علي صحة الجهاز الهضمي.
- مليانه فيتامين A و C المفيدين للبشرة والمناعة.
- بتدي طاقة طبيعية لأنها غنية بالكربوهيدرات.
- قليلة الدهون. وبالتالي مناسبة للدايت لما تكون متحضرة بطريقة صحيحة.
- كيلو بطاطا حلوة مغسولة كويس.
- نصف كوب سكر (أو علي حسب رغبتك)
- كوب لبن.
- 2 ملعقة كبيرة زبدة
- رشة قرفة مطحونة ولكن ده ( اختياري)
- فانيليا.
- مكسرات مجروشة زي (جوز هند - سوداني - لوز ) حسب الرغبة
- اغسلي البطاطا كويس وقطعيها حلقات متوسطة السمك.
- رضيها في صينية فرن مدهونة خفيفة بالزبدة.
- في بولة. اخلطي اللبن مع السكر والفانيليا والقرفة وقلبيهم كويس مع بعض.
- صبي الخليط فوق البطاطا لحد ما تغطيها.
- دخلي الصينية في فرن ساخن علي درجة حرارة 180 لمدة 35 _ 40 دقيقة. أو لحد ما البطاطا تستوي ويتكرمل وشها.
- قبل التقديم. رشي علي الوجه شوية مكسرات محمصة.
لو عايزة تعملي البطاطا الحلوة بشكل أعني وأكثر دسامة :
- اسقلي البطاطا وقشريها واهرسيها كويس.
- ضيفي عليها شوية سكر وزبدة وقلبي كويس.
- افردي البطاطا في صينية.
- اعملي مهلبية وطريقه عملها ( كوبين لبن + 2 ملعقة نشا + سكر + فانيليا).
- صبي المهلبية فوق البطاطا وادخليها الفرن 10 دقايق بس عشان الوش يمسك كويس.
- قدميها دافية أو ساقعة حسب الرغبة والذوق.
اليكم أسرار نجاح البطاطا الحلوة :
- يفضل اختيار البطاطا الصغيرة لأنها بتكون أحلي وأطعم من الكبيرة.
- ممكن تضيفي العسل الأسود بدل السكر لطعم مميز وفوائد أكبر.
- رشي رشة قرفة أو جوزة الطيب بتفرق جد في الطعم.
- لو عايزة الوصفة دايت. استعملي لبن خالي الدسم وحطي عسل أبيض بدل السكر.