.png)
محشي ورق العنب من الأكلات المصرية المشهورة جدأ. ومش بس في مصر لكن كمان في بلاد الشام وتركيا. اكلة مميزة في العزومات والمناسبات. وطعمها بيخلي السفرة مفيهاش زيها.
المكونات :
- نص كليو ورق عنب مسلوق نص سلقة
- 2 كوب أرز مصري مغسول
- 2 بصلة كبيرة مفرومة
- 2 طماطم مبشورة
- حزمة شبت + بقدونس + كزبرة كلهم مفرومين
- ملح + فلفل أسود + كمون
- 2 معلقه كبيرة صلصة طماطم
- عصره لمونة
- مرقة أو ماء للسلق.
- شرائح بطاطس لتغطية قاع الحلة
- نجهز الحشوة بخلط الأرز مع البصل والطماطم والصلصة والخضرة والبهارات.
- ناخد ورقة عنب نفردها علي الطاولة او الطبليه البلدي. ونحط معلقة صغيرة من الحشو في النص.
- نلف الورقة علي شكل رول محكم.
- نرص ورق العنب في الحلة.
- نصب المرقة أو الماء لحد ما يغطي المحشي.
- نحط طبق صغير فوقه عشان يفضل ثابت.
- نسيبه يغلي علي نار هادية لحد ما يستوي الأرز والورق يبقي طري.
- لازم ورق العنب يكون صغير وطري.
- كل ماكانت اللفة رفعية. كل ما كان الطعم احلي.
- ممكن اضافة نعناع ناشف للحشوة بيدي نكهة مميزة.