البسبوسة من الحلويات الشرقية اللي ليها مكانه خاصة في كل بيت مصري. ورغم انها بسيطة. الا ان في أسرار صغيرة بتفرق جدأ في النتيجة. وتخليها طريه وملمومة زي المحلات بالظبط.
المكونات :
- 2 كوب سميد بسبوسة.
- 1 كوب سكر
- 1 كوب زبادي.
- نصف كوب سمن سايج.
- رشة فانيليا.
- رشة بيكنج بودر.
- مكسرات للتزيين (اختياري)
1. في طبق واسع. اخلطي السميد مع السكر ورشة البيكنج بودر كويس.
2. ضيفي السمنة السايحة وقلبي لحد ما كل حبة سميد تتشرب.
3. ضيفي الزبادي والفانيليا. وقلبي بلطف لحد ما تحصلي علي خليط متامسك.
4. افردي الخليط في صينة مدهونه بالسمنة.
5. زيني وش البسبوسة بالمكسرات حسب الرغبة.
6. دخليها فرن متوسط (180 درجة) حوالي 25-30 دقيقة لحد ما تاخد لون دهبي.
سر التكة :
- متكتريش شربات علي البسبوسة. الافضل يكون تقيل وساخن ويتحط علي البسبوسة اول ما تخرج من الفرن وهي سنخه
- ممكن تعصري نص ليمونة صغيرة في الشربات علشان يفضل طازة ومايسكرش.
صنع الشربات :
- 2 كوب سكر.
- 1 كوب ماء
- عصير نص ليمونة او ليمونه.
- رشة فانيليا.